平時我哋買衫，都係鍾意咩就買咩，但到咗要自己設計或者訂造衫，好多靚仔靚女都對服裝工藝唔係好熟。等小編同大家講解下服裝訂製圖案嘅啲小知識，咁就唔怕揀錯啦！

 

常見印花工藝

• 絲印 (Silk Screen Printing)

  絲印係「絲網印刷」嘅簡稱。印刷嗰陣，通過刮板嘅擠壓，令油墨通過圖案部分嘅網孔轉移到承印物上面，形成同原稿一樣嘅圖案。絲網印係最常用嘅印製工藝，著色夠晒牢固，襟洗又襟用！但係要專登整版，少量印製成本會比較高。絲印適用於各種顏色、各種布料嘅衫，建議大量印製嘅時候揀呢種工藝，咁價錢方面會平好多。總之，對客人嚟講，記住絲印夠晒牢固，係首選！但少量嘅成本會高啲，顏色多嘅成本都會相應增加，漸變色效果就一般般啦。

 

 數碼燙畫 (Digital Heat Transfer)

數碼燙畫係膠片印嘅一種，最早喺美國、西歐一帶流行開嚟，近呢幾年先至喺香港開始 Hit 起。佢嘅顏色鮮豔，層次細膩，花色逼真，藝術感強！燙畫係用機器通過高溫令膠片同衫嘅絨毛融合埋一齊嘅一種工藝。適用於各種布料、各種顏色嘅衫，冇乜限制。缺點係有膠嘅感覺，透氣性比較差，價錢又貴啲。所以，如果數量少或者顏色圖案太複雜嘅話，就會揀呢種工藝。

 

 電腦刺繡 (Computer Embroidery)

電腦刺繡通常用喺衫上面嘅 Logo，比起其他工藝更有立體感、更顯高檔，但工藝比較複雜，版費比較貴。適用於批量製作。刺繡工藝要求比較高，講究順、齊、平、勻、潔。順指直線挺直，曲線圓順；齊指針跡整齊，邊緣冇參差現象；平指手勢準確，繡面平服，絲縷唔歪斜；勻指針距一致，唔露底，唔重疊；潔指繡面光潔，冇墨跡等等污漬。刺繡都係要先製版嘅，如果數量太少，成本會高啲，過於複雜嘅、有漸變色嘅圖案都唔太適合做刺繡。

 

 

點揀啱自己嘅印花工藝？

我哋要根據公司嘅類型、人數同埋訂製需求，揀最適合自己嘅印花工藝。而家好多公司嘅團體服裝都已經變成公司嘅重頭戲，好似阿里巴巴、騰訊、百度等等知名大廠嘅 Culture Tee，都令人印象深刻！透過訂製唔同圖案嘅方式，傳播咗公司嘅企業文化。有啲公司會直接將公司名透過刺繡工藝繡喺衫上面，顯得高端大氣；又有啲公司會將公司口號透過燙畫工藝印喺衫上面，簡潔明瞭。仲有各種唔同嘅工藝等緊你嚟了解！想知更多關於訂製工藝嘅問題，可以登錄我哋 iGift 網站 (www.igift.hk) 睇睇！