首先，將條細方巾對摺，好似幅圖咁樣，對摺嗰陣特登唔好對齊，斜少少。跟住將條方巾捲起嚟。捲到尾留返個細三角形位。

1. 跟住拎起捲好咗嘅方巾，揸實凸出嚟嗰個細三角形位，呢度就係兔仔個頭喇，喺呢度可以清楚睇到兔仔對耳仔喇~

2. 跟住將兔仔對耳仔整返個你想要嘅形狀，可以整長啲、大啲，隨你鍾意。跟住耳仔個形狀，將多咗出嚟嗰啲塞返入個頭度。如果想整長啲，可以一開始留個三角形位留長啲。

3. 整好對耳仔之後，用條橡筋箍實兔仔個頭。呢度因為冇其他顏色嘅橡筋，望落唔係咁靚……大家可以用平時嗰啲黃色橡筋，冇咁易睇得出。箍實之後，將後面兩條毛巾分開，將左邊嗰條疊喺上面。

4.  跟住將兩條毛巾扭埋做一條，唔使扭得太實，呢個就係兔仔個身喇。然後好似幅圖咁，將扭好咗條毛巾尾嗰兩隻「腳」塞返入橡筋度，同個頭一齊箍實。呢對就係兔仔對前腳喇。

5. 最後再將兔仔對前腳、耳仔呢啲位執靚少少，毛巾兔仔就搞掂啦~ 大家睇吓係咪好得意、好 cute 呢~

#毛巾摺紙 #DIY #手作 #兔仔 #摺毛巾 #親子活動