波衫對好多女仔嚟講可能比較陌生，一講起波衫，好多時第一時間會諗起係男仔嘅嘢。不過講到穿搭，梗係女士經驗豐富啲啦！今日就介紹幾款波衫嘅襯法俾大家參考吓，希望大家鍾意！

1：襯返條斯文啲嘅半身裙，同上半身件運動feel嘅波衫撞一撞，有種反差感，咁樣既有溫柔女仔嘅嬌俏，又有啲活潑嘅感覺！


2：襯貼身/緊身嘅長褲
貼身長褲可以突顯又可以修飾對腳嘅線條，幫你 show 到 S-curve。上闊下窄呢種經典襯法望落好隨性，俾人感覺好易親近。


3： 襯熱褲
夏天襯衫點少得熱褲。比起修身長褲，熱褲更加直接 show 到你對腳嘅線條，襯埋件活力十足嘅波衫，即刻變身活力四射嘅辣妹！


 

4：標準波衫 look，襯返條中長度嘅短褲同波鞋。又時尚又有運動 feel！



#波衫
#穿搭
#女仔
#時尚
#運動風